Qendrimi juaj mbi eksperimentet klinike.

Mjekut stomatolog nuk i lejohet të udhëheqë apo të marrë pjesë në kërkime, apo eksperimente shkencore, bio-mjekësore, me përjashtim të rasteve, kur një gjë e tillë është e parashikuar në ligj, apo akte të tjera të ligjshme. Mjeku stomatolog, që merr përsipër një punë kërkimore me qëllim parandalues, diagnostikues apo mjekues, ku përfshihen të sëmurë apo vullnetarë, detyrimisht paraqet projektin përpara një komisioni të posaçëm të bioetikës, kompetent e të pavarur, për të vlerësuar përligjien shkencore, pranueshmërinë etike dhe për ta miratuar. Mjeku stomatolog duhet të informojë me kujdes personin, apo personat e përfshirë në projekt mbi objektin e punës kërkimore, dobitë e pritshme, pasojat dhe dëmet e mundshme dhe t’iu marrë pëlqimin. Në qoftë se marrja e pëlqimit është e pamundur për shkak të paaftësisë fizike, mendore apo të moshës së pacientit, pëlqimi mund të merret nga të afërmit.